ຂະແໜງປູກຟັງກະສິກຳ ແລະ ປ່າໄມ້ເມືອງໃຫ້ຮູ້ວ່າ: ມາຮອດປັດຈຸບັນ ການເກັບກ່ຽວເຂົ້ານາປີ ຂອງກະສິກອນໃນທົ່ວເມືອງຕົ້ນເຜິ້ງ ສຳເລັດແລ້ວຫຼາຍກວ່າ 2.448 ເຮັກຕາ, ເທົ່າກັບ 70% ຂອງເນື້ອທີ່ປັກດຳທັງໝົດ, ໃນນັ້ນບັນດາຂົງເຂດກຸ່ມຫຼວງສິງໄຈປະຕິບັດໄດ້ຫຼາຍກວ່າ 90%, ຂົງເຂດກຸ່ມບ້ານນາຄຳປະຕິບັດໄດ້ ກວມ 90% ແລະ ຂົງເຂດກຸ່ມບ້ານໃຫຍ່ນ້ຳເກິ່ງປະຕິບັດໄດ້ກວມ 80% ແລະ ຄາດວ່າຮອດເດືອນທັນວານີ້ ຈະສຳເລັດ 100% ແລະ ສາມາດບັນລຸໄດ້ຕາມຄາດໝາຍແຜນການທີ່ວາງໄວ້ເປັນຢ່າງດີ.

.

ແລະ ຊາວກະສິກອນເຂດບ້ານໃຫຍ່ສີເມືອງງາມກໍ່ໄດ້ສຳພາດວ່າ: ສຳລັບຜົນຜະລິດເຂົ້ານາປີ ປີນີ້ແມ່ນດີກວ່າປີຜ່ານມາ ເນື່ອງຈາກສະພາບແວດລ້ອມແລະດິນຟ້າອາກາດເອື້ອອຳນວຍຖືກຕ້ອງຕາມລະດູການ ສົມທຽບຜົນຜະລິດໃສ່ປີຜ່ານມາແມ່ນຫຼຸດລື່ນກັນພໍສົມຄວນເມື່ອເຮັດນາຫວ່ານມີຕົ້ນທຶນທີ່ຕ່ຳແຕ່ຜົນຜະລິດພັດໄດ້ໜ້ອຍກວ່າ ນາທີີປັກດຳ.

.

ປັດຈຸບັນຫຼາຍທ້ອງຖິ່ນທີ່ມີເງື່ອນໄຂ ແລະ ສຳເລັດການເກັບກ່ຽວເຂົ້ານາປີແລ້ວນັ້ນ ກໍໄດ້ເລີ່ມກະກຽມໃຫ້ແກ່ການປູກເຂົ້ານາແຊງ ແລະ ພືດລະດູແລ້ງຕາມລະດູການ, ຂະນະທີ່ຂະແໜງກະສິກຳ ກໍຍັງໄດ້ລົງຊຸກຍູ້ແຕ່ລະທ້ອງຖິ່ນ ປົວແປງລະບົບຊົນລະປະທານ ແລະ ຄອງເໝືອງທີ່ເປເພຊຸດໂຊມຕື່ມອີກ, ເພື່ອຮັບປະກັນໃຫ້ການສະໜອງນ້ຳ ແກ່ການຜະລິດລະດູແລ້ງນີ້ ໄດ້ຮັບຜົນດີ

LEAVE A REPLY

Please enter your comment!
Please enter your name here