ໃນ​ວັນ​ທີ 26 – 27 ຕຸລາ 2020 ທີ່​ຜ່ານ​ມາ​ນີ້ ທີ​ມງານ​ໂຄສະນາ ​ແລະ ປູກ​ຈິດ​ສຳນຶກ​ດ້າ​ນການ​ອານຸລັກ​ຊັບພະຍາກອນ​ປ່າ​ໄມ້ ​ແລະ ສັດ​ນ້ຳ – ສັດປ່າ ລົງ​ໂຄສະນາ​ໃຫ້​ກຸ່ມ​ເປົ້າໝາຍ, ພໍ່​ແມ່​ປະຊາຊົນ ​ແລະ ພໍ່ຄ້າ​ຊາວ​ຂາຍຕາມ​ທ່ອງ​ຕະຫຼາດ ​ເມືອງ​ຍົມ​ມະ​ລາດ​ແຂວງ​ຄຳ​ມ່ວນ ​ເຊິ່ງການ​ເຄື່ອ​ນໃຫວ​ໃນ​ຄັ້ງ​ນີ້​ນຳ​​ໂດຍ​ທ່ານ ຫອມ​ຄຳ ​ໄຊ​ໂກສີ​ພິນິດ ຫົວໜ້າກຸ່ມ​ວຽກໂຄສະນາ ​ແລະ ປູກ​ຈິດ​ສຳນຶກ​ດ້າ​ນການ​ອານຸລັກ​ຊັບພະຍາກອນ​ປ່າ​ໄມ້ ​ແລະ ສັດ​ນ້ຳ – ສັດປ່າ, ກອງ​ຄຸ້ມ​ຄອງ​ປ່າສະຫງວນ ແລະ ປ່າປ້ອງກັນ, ພະແນກກະສິກຳ ແລະ ປ່າໄມ້ແຂວງຄຳມ່ວນ ພ້ອມທີມງານ ເຊີ່ງມີບັນດາທ່ານອຳນາດການປົກຄອງບ້ານໂພນຄຳ, ບ້ານໂຄກສະຫວ່າງ, ບ້ານຍົມມະລາດເໜືອ ແລະ ພໍ່ແມ່ປະຊາຊົນ, ພໍ່ຄ້າຊາວຂາຍເຂົ້າຮ່ວມ.

.

.

ເພື່ອເປັນການໂຄສະນາ ​ແລະ ປູກ​ຈິດ​ສຳນຶກ​ດ້າ​ນການ​ອານຸລັກ​ຊັບພະຍາກອນ​ປ່າ​ໄມ້ ​ແລະ ສັດ​ນ້ຳ – ສັດປ່າ ໃຫ້ແກ່ພໍ່​ແມ່​ປະຊາຊົນ ​ແລະ ພໍ່ຄ້າ​ຊາວ​ຂາຍ ໄດ້ຮັບຮູ້, ເຂົ້າໃຈໃນການນຳໃຊ້ຊັບພະຍາກອນ​ປ່າ​ໄມ້ ​ແລະ ສັດ​ນ້ຳ – ສັດປ່າ​ໃຫ້​ມີ​ຄວາມ​ຢືນ​ຍົງ ​ແລະ ​ເພື່ອ​ເປັນ​ການ​ສະກັດ​ກັ້ນ​ການ​ຄ້າຂາຍ​ສັດປ່າ​ຕາມ​ທ່ອງ​ຕະຫຼາດ ​ແລະ ຮ້ານ​ອາຫານ​ທີ່​ສຳຄັນ​ອີກ​ດ້ວຍ. ​

.

.

ເຊິ່ງທີ​ມງານ​ໂຄສະນາ ​ແລະ ປູກ​ຈິດ​ສຳນຶກ​ດ້າ​ນການ​ອານຸລັກ​ຊັບພະຍາກອນ​ປ່າ​ໄມ້ ​ແລະ ສັດ​ນ້ຳ – ສັດປ່າ​ໄດ້​ອະທິບາຍ ​ແລະ ​ແນະນຳ​ໃຫ້ພໍ່​ແມ່​ປະຊາຊົນ, ພໍ່ຄ້າ​ຊາວ​ຂາຍ​ໄດ້​ຮັບ​ຮູ້​ວ່າ​ສັດ​ປ່າປະ​ເພດ​ໃດ​ທີ່​ເປັນ​ສັດ​ຫວງ​ຫ້າມ, ສັດ​ປະ​ເພດ​ໃດ​ເປັນ​ສັດ​ຄຸ້ມ​ຄອງ ​ແລະ ສັດ​ປະ​ເພດ​ໃດ​ທີ່​ສາມາດ​ຊົມ​ໃຊ້​ໄດ້​ແຕ່​ຕ້ອງ​ນຳ​ໃຊ້​ໃຫ້​ຖືກຕ້ອງ​ຕາມ​ລະບຽບ ​ແລະ ນຳ​ໃຊ້​ແບບ​ຢືນ​ຢົງ. ​

.

.

ເຊິ່ງການ​ເຄື່ອນ​ໃຫວ​ໃນ​ຄັ້ງ​ນີ້​ແມ່ນ​ໃຊ້​ເວລາ 2 ວັນ ປະກອບ​ມີ 3 ຕະຫຼາດຄື: ຕະຫຼາດ​ເທບ​ສົມບັດ, ຕະຫຼາດພຸດ​ທະ​ວົງ ​ແລະ ຕະຫຼາດຊຸມ​ຊົນ​ບ້ານ​ໂຄກ​ສະຫວ່າງ.

.

.

.

ພາບ​ – ຂ່າວ​ໂດ​ຍ: ຄຳ​ພູ​ວາ ​ໄຊ​ຍະ​ອ່ອນ​ຕາ.

LEAVE A REPLY

Please enter your comment!
Please enter your name here