ຕອນເຊົ້າຂອງວັນທີ່ 3 ກໍ່ລະກົດ 2020 ນີ້ ຫ້ອງການສາທາລະນະສຸກ ເມືອງໂພນທອງ ໄດ້ຈັດພິທີເປີດຂະບວນການຕ້ານໄຂ້ຍຸງລາຍ ຢູ່ເດີນໂຮງຮຽ ມສ ໂພນທອງ ມີ ທ່ານ ທອງດີ ດວງພະຈັນ ຮອງເລຂາພັກໂພນທອງ, ທ່ານ ສົງກາ ຈິດຕະວົງ ຮອງຫົວໜ້າຫ້ອງການ ສາທາລະນະສຸກເມືອງ, ພ້ອມດ້ວຍພະນັກງານ, ທະຫານ-ຕໍາຫຼວດ ແລະປະຊາຊົນນ້ອງນ້ອຍນັກຮຽນໂຮງຮຽນ ມສ ໂພນທອງ ຊັ້ນມໍ6-ຊັ້ນມໍ7 ເຂົ້າຮ່ວມ.
ພິທີ ທ່ານ ສົງກາ ຈິດຕະວົງ ໄດ້ລາຍງານວ່າ: ປະຈຸບັນ ເມືອງໂພນທອງ ມີພື້ນທີ່ຄວາມສ່ຽງການລະບາດຂອງພະຍາດໄຂ້ຍຸງລາຍ ກວມ 20% ຜ່ານມາກວດພົບຜູ້ຕິດເຊື້ອແລ້ວ 2 ກໍລະນີ. ຈາກນັ້ນ ທ່ານ ທອງດີ ດວງພະຈັນ ໄດ້ຮຽກຮ້ອງມາເຖິງພະນັກງານ ທະຫານ,ຕຳຫຼວດ,ນັກຮຽນນັກສຶກສາ ແລະພໍແມ່ປະຊາຊົນທົ່ວເມືອງໂພນທອງ ຈົ່ງເອົາໃຈໃສ່ປະຕິບັດ 5 ປ ຂອງກະຊວງສາທາລະນະສຸກວາງອອກ ຄື: ປິດຝາພາຊະນະທີ່ເກັບນ້ຳໃນເຮືອນ ແລະ ນອກເຮືອນ ເພື່ອບໍ່ໃຫ້ຍຸງມາໄຂ່ໃສ່, ປ່ຽນນ້ຳໃນພາຊະນະ ເຊັ່ນ: ເຕົ້າດອກໄມ້ ຖ້ວຍຮອງຕີນຕູ້ ຖ້ານຮອງຈອກນ້ຳ, ປ່ອຍປາຫາງນົກຍຸງເພື່ອກິນໜອນນ້ຳ, ປັບປຸງ ອະນາໄມ ສິ່ງແວດລ້ອມອ້ອມເຮືອນບໍ່ໃຫ້ມີກະໂປະກະປ໋ອງ ຢາງຕີນລົດເກົ່າທີ່ມີນ້ຳຂັງ ແລະປະຕິບັດໃຫ້ເປັນນິໄສປະຈຳທຸກໆອາທິດ, ຈາກນັ້ນ ໄດ້ພ້ອມກັນສ້າງຂະບວນອານາໄມເກັບຂີ້ເຫຍື່ອ,ຖາງຫຍ້າ, ທໍາລາຍຈຸດທີ່ມີຄວາມສ່ຽງຕໍ່ການວ່າງໄຂ່ຂອງຍຸງລາຍ ຢ່າງເປັນຂະບວນການຝົດຟືນ.
ຂ່າວ: ສົມເພັດ ໄຊມີກອນ ນັກຂ່າວເມືອງໂພນທອງ.