ເປັນຂ່າວເສົ້າທີ່ສ້າງຄວາມຕົກໃຈໃຫ້ກັບປະຊາຊົນລາວບໍ່ໜ້ອຍ ເມື່ອທ່ຽງຄືນຂອງວັນທີ 29 ກໍລະກົດ 2020 ທຸແມ່ຍອດແກ້ວມະນີ ສຸພານຸວົງ ລູກສາວຂອງ ປະທານສຸພານຸວົງ ໄດ້ເສຍຊີວິດລົງແລ້ວ.
ໂດຍລູກສາວຂອງເພິ່ນເອງ ທ່ານ ປອ ຍອດຄໍາມະນີ ສຸພານຸວົງ ລູກສາວຂອງທຸແມ່ຍອດແກ້ວມະນີ ສຸພານຸວົງ ໄດ້ໂພສຂໍ້ຄວາມຜ່ານເຟສບຸກໃຫ້ຮູ້ວ່າ: ລູກຂໍໃຫ້ດວງວິນຍານຂອງທຸແມ່ຍອດແກ້ວມະນີ ສຸພານຸວົງ ທີ່ແສນເຄົາລົບຮັກ, ແສນດີ, ແສນປະເສີດ, ຊຶ່ງເປັນການນຳທີ່ເສຍສະຫຼະທຸກສິ່ງທຸກຢ່າງເພື່ອຕະກູນສຸພານຸວົງ, ເພື່ອປະເທດຊາດ, ປະຊາຊົນລາວບັນດາເຜົ່າ ທີ່ແທ້ຈິງ ຈົ່ງໄປສູ່ສຸຂະຕິເທີ້ນ, ສາທຸໆໆ.
ລູກຂໍໃຫ້ເປັນແມ່ລູກກັນທຸກຊາດໄປ, ລູກຮັກທຸແມ່ທີ່ສຸດໃນຈັກກະວານເດີ້; ແລ້ວພົບກັນໃໝ່ເດີ້ທຸແມ່ ນອນຫຼັບຝັນດີເດີ້ທຸແມ່ຂອງລູກ.
ແນວໃດກໍ່ຕາມຍັງບໍ່ທັນມີຂໍ້ມູທາງການການເສຍຊີວິດຂອງເພິ່ນ ແຕ່ຫາກມີຂໍ້ມູນເພີ່ມເຕີມແນວໃດແອັດຈະມາລາຍງານເພີ່ມຕື່ມພາຍຫຼັງ.
