ຫຼວງນໍ້າທາ: ໂດຍປະຕິບັດຕາມກົດໜາຍນາຍທະຫານກອງທັບປະຊາຊົນລາວ ( ສະບັບປັບປຸງ ) ໃນພາກທີII ໜວດທີ 4 ມາດຕາທີ 26 ວ່າດ້ວຍການແຕ່ງຕັ້ງ, ຍົກຍ້າຍນາຍທະຫານ ເພື່ອປັບປຸງບູລະນະກົງຈັກການຈັດຕັ້ງນໍາພາ-ບັນຊາ ໃນກໍາລັງປະກອບອາວຸດໃຫ້ເຂັ້ມແຂງ, ໜັກແໜ້ນຮອບດ້ານ ເພື່ອເຮັດສໍາເລັດໜ້າທີປົກປັກຮັກສາ ແລະ ພັດທະນາປະເທດຊາດ

ໃນວັນທີ 7 ພຶດສະພາ 2020ນີ້ກອງບັນຊາການທະຫານແຂວງຫຼວງນໍ້າທາ ໄດ້ປະກາດການຈັດຕັ້ງຂັ້ນຮອງຫົວໜ້າກອງບັນຊາການໂດຍການເປັນປະທານຂອງສະຫາຍ ພົນຕີ ປະລີນຍາເອກ ຄໍາວົງ ພົມມະກອນ ກຳມະການຄະນະປະຈໍາພັກກະຊວງປ້ອງກັນປະເທດ ຫົວໜ້າກົມໃຫ່ຍພະລາທິການກອງທັບ, ມີສະຫາຍ ພົນຈັດຕະວາ ອີນແກ້ວ ມະນີຈັນ ກໍາມະການພັກແຂວງ ຫົວໜ້າກອງບັນຊາການທະຫານແຂວງ, ພະແນກການກ່ຽວຂ້ອງອ້ອມຂ້າງແຂວງ, ບັນດາສະຫາຍຄະນະພັກກອງບັນຊາການ, ຕະຫຼອດຮອດຄະນະພັກ – ຄະນະບັນຊາພະນັກງານຫຼັກແຫຼ່ງ 5 ຫ້ອງ ແລະກົມກອງອ້ອມຂ້າງເຂົ້າຮ່ວມ.

ສະຫາຍ ພັນໂທ ບົວຄໍາ ພົມມະໄຊ ຮອງຫົວໜ້າກົມແຜນການ ກົມໃຫ່ຍພະລາທິການກອງທັບ ກໍ່ໄດ້ຂື້ນຜ່ານຂໍ້ຕົກລົງຂອງກະຊວງປ້ອງກັນປະເທດ ວ່າດ້ວຍການແຕ່ງຕັ້ງຄະນະກອງບັນຊາການ ແລະ ຄະນະຫ້ອງຂອງກອງບັນຊາການທະຫານແຂວງຫຼວງນໍ້າທາ ໃນນີ້

  • ແຕ່ງຕັ້ງ ສະຫາຍພັນໂທ ຄໍາເປີ່ງ ໄຊທະວີ ຄະນະພັກກອງບັນຊາການ ຂື້ນເປັນຮອງກອງບັນຊາການ ທັງເປັນຫົວໜ້າຫ້ອງພະລາທິການ,
  • ແຕ່ງຕັ້ງ ສະຫາຍ ພັນໂທ ກໍາມະນີ ມິດລະແສນ ຄະນະພັກກອງບັນຊາການ ຫົວໜ້າການເມືອງ ກອງພັນນ້ອຍທະຫານຮາບ 418 ມາເປັນ ຮອງຫົວໜ້າຫ້ອງພະລາທິການ ແລະ
  • ແຕ່ງຕັ້ງບາງພະແນກການທີ່ຂື້ນກັບຫ້ອງພະລາທິການອີກຈໍານວນໜື່ງ.

ໂອກາດນີ້, ຫົວໜ້າກົມໃຫ່ຍພະລາທິການກອງທັບກໍ່ໄດ້ໂອ້ລົມ ເຊິ່ງກ່ອນອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານ ແລະ ໄຊຊະນະທີ່ຍາດມາໄດ້ເນັ້ນໃຫ້ຜູ້ທີໄດ້ຮັບໜ້າທີໃໜ່ ແລະ ຄະນະພັກ – ຄະນະບັນຊາແຕ່ລະຂັ້ນຈົ່ງເພີມທະວີຄວາມສາມັກຄີເປັນແບບຢ່າງນໍາໜ້າໃນແນວທາງນະໂຍບາຍຂອງພັກໃນໄລຍະໃໝ່ ເອົາໃຈໃສ່ສືກສາອົບຮົມການເມືອງນໍາພາແນວຄິດເປັນບັນຫາສໍາຄັນຕິດພັນກັບໜ້າທີ່ວິຊາສະເພາະຂອງຕົນ ເສີມຂະຫຍາຍມູນເຊື້ອອັນດີງາມຂອງກົມກອງໄປພ້ອມກັນອອກແຮງຕ້ານ ແລະສະກັດກັ້ນປະກົດການຫຍໍ້ທໍ້ຕ່າງໆ ຮັບປະກັນເຮັດໃຫ້ສະພາບມີຄວາມສະຫງົບ ແລະປອດໄພໂດຍພື້ນຖານນຳພາກົມກອງຂອງຕົນກ້າວຂຶ້ນຕາມແບບແຜນ ແລະ ທົນສະໄໝ.

ໂອກາດດັ່ງກ່າວກໍ່ໄດ້ມອບເຄື່ອງອຸປະກອນການແພດໃນການສະກັດກັ້ນ ການແຜ່ລະບາດ ຂອງພະຍາດອັກເສບປອດສາຍພັນໃໝ່ໂຄວິດ 19 ຈໍານວນໜື່ງໃຫ້ກອງບັນຊາການທະຫານແຂວງຫຼວງນໍ້າທາຕື່ມອີກ.

ໂດຍ: ບຸນມີ

Leave a Reply

Your email address will not be published. Required fields are marked *