ພິທີຄອບ ຫລື ຂໍຂະມາເກີຍຊ້າງ ທີ່ວັດໃໝ່ສຸວັນນະພູມາຣາມ, ນະຄອນຫລວງພຣະບາງ 11/04/2020

ກ່ອນທີ່ຈະປ່ຽນສັງກາດສັງຂານໃໝ່ ພາຍໃນວັນທີ່ 12 ເມສາ ຂອງທຸກໆປີ ແມ່ນຈະມີພິທີແຫ່ຊ້າງຮຽງເກີຍ.

ວັນຖະເຫລິງສົກການປ່ຽນສັງກາດສັງຂານໃຫມ່ ຈສ 1382 ໃນປີນີ້ເຊິ່ງເປັນປີທີ່ຖືກວິກິດການມີການແຜ່ລະບາດຂອງໂຣຄ ໄວຣັສ 𝐶𝑜𝑣𝑖𝑑19 ຈຶ່ງເຮັດໃຫ້ທຸກໆ ພິທີກັມກັບບຸນປະເພນີ ຮີດຄອງ ແລະວັດທະນະທັມ ທີຈະຈັດຂຶ້ນ ຂອງມະນຸດຢຸດສະງັກ, ໃນນັ້ນກໍມີພິທີກໍາອັນໜຶ່ງຂອງຊາວນະຄອນຫຼວງພຣະບາງຄື: ” ຊ້ າ ງ ຮ ຽ ງ ເ ກີ ຍ “

ສະນັ້ນພາຍໃນປີ ຈສ 1382 ພ.ສ 2563 ຄ.ສ 2020 ພຣະເຖຣະ ຄະນະບ້ານ ເຖົ້າແກ່ແນວໂຮມ ຈຶ່ງໄດ້ຈັດພິທີຄອບຂະມາ ເກີຍຊ້າງ (ຫຼັກບ້ານ ເສົາເມືອງ) ປີນີ້ບໍ່ໄດ້ເຮັດ ຍ້ອນເກີດວິກິດ.

  • ຄຳເວົ້າຕອນເອົາຊ້າງມາຮຽງເກີຍ:

ເຈົ້າມຶງນຸ່ງຜ້າດໍາ ນາຍມຶງນຸ່ງຜ້າແຫຼ້ ກູໃຫ້ມຶງຈືໃສ່ປູມອັດໄວ້ ໃຫ້ມຶງຈື່ໃສ່ໄສຢ່າຢ່ອນ ຈືໃສ່ຫນັງຝັງໃສ່ກະດູກ ໃຫ້ມຶງເອົາໄປບອກສອນແກ່ບໍລິວານມຶງໃຫ້ຮັບໃຊ້ປະເທດຊາດບ້ານເມືອງ ໃຫ້ມຶງຢ່າງໄປທາງຫນ້າຕິກຕິກ ຢ່າງວກຊ້າຍ ຢ່າງວກຂວາ ຢ່າຖອຍຫຼັງເດີນໄປໜ້າແລ້ວກໍ່ເວົ້າວ່າ ໄປ ໄປ ໄປ 3 ເທື່ອ ແລ້ວກໍເວົ້າອີກວ່າ ໄຊຍະຕຸພະວັງ ໄຊຍະມັງພະລັງ.

ຂໍໃຫ້ທຸກຄົນປາສະຈາກໂລກໄພໄຂ້ເຈັບ

ໂຊກດີປີໃຫມ່ລາວ ຈ.ສ 1382

ເຮົາຈະຜ່ານມັນໄປພ້ອມກັນ…

ຂອບໃຈຮູບພາບແລະຂ່າວຈາກ : ວັນດີ VanhDee

LEAVE A REPLY

Please enter your comment!
Please enter your name here