ສືບສານປະເພນີແຫ່ຜາສາດເຜິ້ງ ໃນໂອກາດບຸນນະມັດສະການພະທາດຫຼວງ

0
124

ປະເພນີແຫ່ຜາສາດເຜິ້ງຖືເປັນພິທີກຳສຳຄັນຂອງພຸດທະສາສະໜາ ແມ່ນວັດທະນະທຳອັນດີງາມຂອງຊາດລາວທີ່ເຄີຍປະຕິບັດກັນມາໃນແຕ່ລະປີ, ສະແດງເຖິງຄວາມສາມັກຄີຂອງປວງຊົນລາວທັງຊາດໂດຍສະເພາະແມ່ນຊາວນະຄອນຫຼວງວຽງຈັນ, ເຊິ່ງພິທີໄດ້ຈັດຂຶ້ນໃນວັນທີ 10 ພະຈິກ 2019 ກົງກັບມື້ຂຶ້ນ 14 ຄໍ່າເດືອນສິບສອງເພັງຢູ່ທີ່ເດີ່ນພະທາດຫຼວງ, ນະຄອນ ຫຼວງວຽງຈັນ.

 

ໂດຍມີພະສົງ-ສາມະເນນ, ເຈົ້າຄອງນະຄອນຫຼວງວຽງຈັນ, ແຂກທັງພາຍໃນ ແລະ ຕ່າງປະເທດ, ປະຊາຊົນ ລາວບັນດາເຜົ່າ ແລະ ມວນຊົນ ຊາວນະຄອນຫຼວງວຽງຈັນ ເຂົ້າ ຮ່ວມຢ່າງເປັນຂະບວນຟົດຟື້ນ. ເພື່ອສະເຫຼີມສະຫຼອງບຸນພະທາດຫຼວງທັງເປັນການເສີມຂະຫຍາຍ ແລະ ສືບທອດວັດທະ ນະທຳອັນດີງາມຂອງຊາດລາວໃຫ້ຄົງຢູ່ຄູ່ຄົນລາວຕະຫຼອດໄປ ຂະບວນແຫ່ຜາສາດເຜິ້ງໄດ້ເລີ່ມ ຕົ້ນຢູ່ທີ່ສີ່ແຍກໜອງບອນແລ້ວມຸ້ງ ໜ້າເຂົ້າສູ່ພະທາດຫຼວງ ໃນນັ້ນ ນຳພາໂດຍຂະບວນພະສົງ-ສາ ມະ ເນນ, ການນຳພັກ-ລັດ ນຳໂດຍ ທ່ານ ສິນລະວົງ ຄຸດໄພທູນ ເຈົ້າ ຄອງນະຄອນຫຼວງວຽງຈັນ, ຄະນະນຳຈາກບັນດາກະຊວງ, ອົງການ, ເຖົ້າແກ່ແນວໂຮມ,

 

ຕາມ ດ້ວຍຂະບວນດົນຕີພື້ນເມືອງລາວ, ຂະບວນຜາສາດເຜິ້ງຈາກກະຊວງ, ອົງການ, ໂຮງຮຽນສະຖາບັນການສຶກສາ ແລະ ຄຸ້ມບ້ານຕ່າງໆເມື່ອໄປຮອດກໍໄດ້ແຫ່ອ້ອມພະທາດຫຼວງ 3 ຮອບຫຼັງ ຈາກນັ້ນຈຶ່ງທຳພິທີທາງສາສະໜາ, ຕອນຄໍ່າມາກໍມີການຄົບງັນຕາມປະເພນີ.

ໂດຍ: ຈັນທະວົງ

LEAVE A REPLY

Please enter your comment!
Please enter your name here