ໃນວັນທີ 6 ຕຸລາ 2019 ຜ່ານ​ມານີ້ ຢູ່​ທີ່​ຄ້າຍຄຸມຂັງ-ດັດສ້າງ ປກສ ​ແຂວງ​ວຽງ​ຈັນ ໄດ້ສະຫຼຸບຜົນງານການເຄືອນໄຫວວຽກງານປະຈໍາໄຕມາດ​ ໂດຍ​ການ​ເປັນ​ປະທານ​ຂອງ​ສະຫາຍ ພັທ ຈັນທະນົງສັກ ສີສົມພອນ ​ເລຂາ​ໜ່ວຍ​ພັກ​ຄ້າຍຄຸມຂັງ-ດັດສ້າງ​ເປັນ​ກຽດ​ເຂົ້າ​ຮ່ວມ​ໃນ​ພິທີ​ມີ​ສະຫາຍ ພັທ ຈະເລີນ ເລີດມຸງຄຸນ ຮອງເລຂາຄະນະ​​ພັກ ຮອງຫົວໜ້າກອງ​ບັນຊາ​ການ​ ປກສ ​ແຂວງ​ວຽງຈັນ, ມີ​ບັນດາ​ສະຫາຍ​ໜ່ວຍໜ່ວຍພັກ, ຈຸພັກ ​ ພ້ອມ​ດ້ວຍ​ສະມາຊິກ​ພັກ​ສົມບູນ ​ແລະ​ສຳຮອງ ພາຍ​ໃນ​ໜ່ວຍ​ເຂົ້າ​ຮ່ວມ.

​​ສະຫາຍ ພັທ ຈັນທະນົງສັກ ສີສົມພອນ​ ເລຂາໜ່ວຍພັກ​ຄ້າຍຄຸມຂັງ-ດັດສ້າງ ​ ​ຂື້ນ​ຜ່ານ​​ບົດສະຫຼຸບ​ການເຄືອນໄຫວຊີ້ນໍາ-ບັນຊາ ໄລຍະ 3 ເດືອນ​ທີ່​ຜ່ານ​ມາ ​ເຊິ່ງ​ໄດ້ຍົກ​ໃຫ້​ເຫັນ​ຜົນງານ​ຫຼາຍ​ດ້ານ​ທີ່​ໜ່ວຍ​ພັກ​ຍາດ​ມາ​ໄດ້​​ເຊັ່ນ: ຄະນະໜ່ວຍພັກພວກເຮົາໄດ້ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ແກ່ພະນັກງານ -ສະມາຊິກພັກ ຢ່າງເປັນປົກກະຕິເຮັດໃຫ້ພະນັກງານ-ສະມາຊິກພັກ ມີແນວຄິດການເມືອງ ໜັກແໜ້ນເຂັ້ມແຂງ, ມີຄວາມອຸ່ນອ່ຽນທຸ່ນທ່ຽງ, ມີທັດສະນະຫຼັກໝັ້ນສິນທຳປະຕິວັດ, ເຊື່ອໝັ້ນຕໍ່ການນຳພາຂອງພັກ, ຈຳແນກໄດ້ມິດ ແລະ ສັດຕູຢ່າງຈະແຈ້ງ ພ້ອມກັນນັ້ນຄະນະໜ່ວຍພັກກໍ່ໄດ້ເອົາໃຈໃສ່ຊີ້ນຳ-ນຳພາສະມາຊິກພັກພາຍໃນໜ່ວຍ ສຸມໃສ່ເຮັດວຽກງານວິຊາສະເພາະຢ່າງຕັ້ງໜ້າ ເຄື່ອນໄຫວຕາມພາລະບົດບາດ,

ສິດໜ້າທີ່, ຄວາມຮັບຜິດຊອບຂອງຕົນ, ປະຈໍາການກຽມພ້ອມສູ້ຮົບຕະຫຼອດ 24 ຊົ່ວໂມງ, ປ້ອງກັນເວນຍາມບໍ່ໃຫ້ນັກໂທດ, ຜູ້ຕ້ອງຫາ, ຜູ້ດັດສ້າງ ໂຕນໜີຈາກຄ້າຍຄຸມຂັງ-ດັດສ້າງ ແລະ ທັງເປັນເສນາທິການໃຫ້ແກ່ຄະນະພັກຂັ້ນເທິ່ງ, ໄລຍະ 3 ເດືອນຜ່ານມາມີເອກະສານເຂົ້າ-ອອກ ຈໍານວນ 842 ສະບັບ, ຜ່ານເອກະສານຕ່າງໆ 203 ສະບັບ, ຂຽນໃບພົບຍາດ 1.015 ສະບັບ, ສ້າງແຜນປ້ອງກັນເວນຍາມຕາມຈຸດຕ່າງໆພາຍໃນຄ້າຍໄດ້ 270 ຄັ້ງ, ເອົາໃຈໃສ່ປັບປຸງກໍ່ສ້າງພັກຕາມ 5 ຫຼັກການ ແລະ 3 ທິດນໍາຂອງພັກ, ນໍາພາຮ່ວມຊິວິດພັກປະຈໍາເດືອນເປັນປົກກະຕິ, ເສຍເງີນສະຕິພັກຖືກຕ້ອງຕາມລະບຽບຂອງພັກ, ໂຄສະນາເຜີຍແຜ່ບົດບາດການນໍາພາຂອງພັກ ຕໍ່ອົງການຈັດຕັ້ງມະຫາຊົນ ໃນນີ້ໄດ້ຂະຫຍາຍມະຫາຊົນຜູ້ກ້າວໜ້າເຂົ້າພັກໄດ້ 11 ສະຫາຍ, ສົມບູນ 3 ສະຫາຍ, ສໍາຮອງ 1 ສະຫາຍ, ຮຽນລະບຽບພັກ 3 ສະຫາຍ, ຮຽນສະໜັບສະໜູນ 4 ສະຫາຍ ແລະ ວຽກງານອື່ນກໍ່ໄດ້ເອົາໃຈໃສ່ຢ່າງຕັ້ງໜ້າ.

ຕອນທ້າຍຍັງໄດ້ຮັບຟັງການໂອລົມຂອງສະຫາຍ ພັທ ຈະເລີນ ເລີດມຸງຄຸນ ຮອງເລຂາຄະນະພັກ ຮອງຫົວໜ້າກອງບັນຊາການ ປກສ ແຂວງ ເຊີ່ງສະຫາຍໄດ້ຍ້ອງຍໍຊົມເຊີຍຕໍ່ກັບຜົນງານທີ່ສາມາດຍາດມາໄດ້ໃນໄລຍະຜ່ານມາ ພ້ອມກັນນີ້ກໍ່ໄດ້ຊີ້ນຳບາງບັນຫາທີ່ສຳຄັນ ເພື່ອເປັນທິດທາງ ໃນການຈັດຕັ້ງປະຕິບັດວຽກງານໃນຕໍ່ໜ້າພ້ອມ ທັງຮຽກຮ້ອງ ໃຫ້ສະມາຊິກພັກເປັນເຈົ້າການເຊື່ອມຊຶມແນວທາງນະໂຍບາຍຂອງພັກ, ບັນດາຂໍ້ກຳນົດກົດລະບຽບຂອງພັກ, ກົດໝາຍຂອງລັດ, ມະຕິຄຳສັ່ງຂອງຂັ້ນເທິ່ງຢ່າງເລິກເຊິ່ງ ສ້າງແບບແຜນວິທີນໍາພາ, ແບບແຜນວິທີເຮັດວຽກໃຫ້ທັນສະໄໝຂື້ນກວ່າເກົ່າ ພ້ອມດຽວກັນນັ້ນສະຫາຍຍັງໄດ້ເຜີຍແຜ່ ດໍາລັດຂອງລັດຖະບານ ວ່າດ້ວຍຈັນຍາບັນຂອງພະນັກງານ-ລັດຖະກອນ, ບົດເເນະນໍາຂອງກົມໃຫຍ່ການເມືອງ ວ່າດ້ວຍການເພື່ມທະວີວຽກງານບໍາລຸງ-ກໍ່ສ້າງ, ວຽກງານຮັບກໍາລັງ, ວຽກງານຄຸ້ມຄອງ, ກວດກາ ແລະ ປ້ອງກັນກໍາລັງ ຕື່ມອິກ.

ພາບ-ຂ່າວ: ປກສ ແຂວງວຽງຈັນ, ທອງສີ

LEAVE A REPLY

Please enter your comment!
Please enter your name here