Monday, November 29, 2021

ຂະບວນທຳມະຍາຕາ ມອບທຶນການສຶກສາ 6 ແສນບາດ ໃຫ້ໂຮງຮຽນວິຈິດສິນສົງ ວັດຜາໂອ ແຂວງຫລວງພະບາງ

ໃນວັນທີ 24 ຕຸລາ 2019 ນີ້, ພາຍຫລັງສຳເລັດພິທີທາງສາສະໜາ ແລະ ປູກຕົ້ນພະສີມະຫາໂພ ຫລື ຕົ້ນໂພແລ້ວ, ທ່ານ ສຸພະໄຊ ວີລະພຸດຊົງ ເລຂາທິການສະຖາບັນໂພທິຄະຍາວິຊາໄລ ແລະ ຄະນະທຳມະຍາຕາ 5 ແຜ່ນດິນລຸ່ມແມ່ນຳ້ຂອງ ລາວ, ໄທ, ມຽນມາ, ຫວຽດນາມ ແລະ ກຳປູເຈຍ

ໄດ້ຮ່ວມຖວາຍຜ້າປ່າ ເປັນເງິນຈຳນວນ 600. 000 ບາດ ເພື່ອການສຶກສາແກ່ພະສົງສຳມະເນນ ໂຮງຮຽນວິຈິດສິນສົງ ວັດຜາໂອ ພ້ອມທັງມອບໜັງສືທຳມະຍາຕາ ຄັ້ງທີ 1 ແລະ ມອບຢາ ຕື່ມອີກ.

ໂຮງຮຽນວິຈິດສິນສົງ ວັດຜາໂອ ແຂວງຫລວງພະບາງ ໄດ້ຮັບການສ້າງຕັ້ງຂຶ້ນໃນປີ 2008 ເປີດສອນລະດັບຊັ້ນ ມ 1- ມ7, ປັດຈຸບັນມີສຳມະເນນສຶກສາຢູ່ປະມານ 500 ອົງ, ມີອາຈານສອນ 20 ອົງ/ຄົນ, ໄລຍະພັກໂຮງຮຽນຈະມີການຝຶກອົບຮົມ ນັ່ງສະມາທິ,

ສ່ວນວັນສິນຈະມີການອົບຮົມກຳມະຖານ ແລະ ໃນອະນາຄົດມີແຜນຈະຂະຫຍາຍເປັນວິທະຍາໄລສົງ.

ພາບ-ຂ່າວ medialaos vientiane capital

- Advertisment -

Most Popular