ໃນຕອນບ່າຍ ວັນທີ 5 ກັນຍາ 2019 ນີ້, ທ່ານ ສີສຸວັນ ວົງຈອມສີ ເຈົ້າແຂວງໆສາລະວັນ ຕາງໜ້າໃຫ້ອົງການປົກຄອງແຂວງສາລະວັນ ພ້ອມດ້ວຍຄະນະ ໄດ້ນຳເອົາເຄື່ອງຊ່ວຍເຫຼືອໄປມອບໃຫ້ພໍ່ແມ່ປະຊາຊົນ, ມີປະເພດເຄື່ອງນຸ່ງຫົ່ມ ຍິງ-ຊາຍ ແລະ ເດັກນ້ອຍ ຈຳນວນ 100 ກວ່າສອບ,

ນ້ຳດື່ມ 180 ແກັດ, ໜີ່ 500 ແກັດ ແລະ ເງິນສົດ 50 ລ້ານກີບ ລວມມູນຄ່າທັງໝົດ 80 ລ້ານກວ່າກີບ, ນອກນັ້ນຍັງມີພະແນກການອ້ອມຂ້າງແຂວງ ເຊັ່ນ: ລັດວິສາຫະກິດໄຟຟ້າລາວ ສາຂາແຂວງສາລະວັນ ມອບເງິນສົດ 10 ລ້ານກີບ, ປກສ ແຂວງ 5 ລ້ານກີບ, ກະສິກຳ-ປ່າໄມ້ແຂວງ ມີນ້ຳດື່ມ 20 ແກັດ ແລະ ໝີ່ 42 ແກັດ, ພະແນກ ຍທຂ ມອບນໍ້າດື່ມ 50 ແກັດ, ໜີ່ 30 ແກັດ, ພະແນກການເງິນແຂວງ ນໍ້າດື່ມ 50 ແກັດ ລວມມູນຄ່າທີ່ພະແນກການອ້ອມຂ້າງແຂວງ ຊ່ວຍເຫຼືອໃນຄັ້ງນີ້ 20 ລ້ານກວ່າກີບ.

ຕາງໜ້າອົງການປົກຄອງເມືອງ ຮັບໂດຍ: ທ່ານ ພັທ ລັງສີ ຈັນທະມາລີ ເຈົ້າເມືອງໆວາປີ ພ້ອມດ້ວຍຄະນະ, ມີບັນດາພະແນກການ, ຫ້ອງການ ຕະຫຼອດຮອດພໍ່ແມ່ປະຊາຊົນ ເຂົ້າຮ່ວມ.

 

 

LEAVE A REPLY

Please enter your comment!
Please enter your name here