ຮອງລັດຖະມົນຕີ ກະຊວງ ຖວທ ພ້ອມດ້ວຍຄະນະ ລົງຢ້ຽມຍາມໜ້າວຽກໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວຢູ່ເມືອງ ຈອມເພັດ

0
58

ຕອນເຊົ້າຂອງວັນທີ່ 5 ກໍລະກົດ 2019 ທ່ານ ອຸ່ນທວງ ຂາວພັນ ຮອງລັດທະມົນຕີກະຊວງ ຖະແຫຼງຂ່າວ ວັດທະນະທຳ ແລະ ທ່ອງທ່ຽວ ຜູ້ຊີ້ນຳວຽກງານທ່ອງທ່ຽວ ພ້ອມດ້ວຍຄະນະ ໄດ້ລົງຢ້ຽມຢາມໜ້າວຽກໂຄງການພັດທະນາໂຄງລ່າງເພື່ອສົ່ງເສີມການທ່ອງທ່ຽວຢູ່ເມືອງ ຈອມເພັດ ໂດຍໃຫ້ກຽດຕ້ອນຮັບອັນອົບອຸ່ນຈາກ ທ່ານ ສົມຈິດ ສິງລໍຄຳ ຮອງເລຂາພັກເມືອງ ຮອງເຈົ້າເມືອງຈອມເພັດ ພ້ອມດ້ວຍຂະແໜງການທີ່ກ່ຽວຂອງ ຂອງເມືອງ.

ໂຄງການພັດທະນາໂຄງລ່າງພື້ນຖານເພື່ອສົ່ງເສີມການທ່ອງທ່ຽວຢູ່ ເມືອງ ຈອມເພັດ ປະກອບມີ 2 ບ້ານຄື: ບ້ານ ຊຽງແມນ ແລະ ບ້ານ ຈ່ານເໜືອ ເຊິ່ງມີໜ້າວຽກຂອງໂຄງການຄື: ປັບປຸງ ທ່າຂ້າມເຮືອບັກ, ກໍ່ສ້າງເສັ້ນທາງປູຫີນໃນແລວທາງການທ່ອງທ້ຽວ ຢູ່ບ້ານຊຽງແມນ ແຕ່ວັດ ຈອມເພັດ ຫາ ວັດຫາດສ້ຽວ, ກໍ່ສ້າງຕະຫຼາດຊຸມຊົນ, ຕິດຕັ້ງໄຟຟ້າເຍືອງທາງ, ກໍ່ສ້າງຫ້ອງນໍ້າສາທາລະນະ, ສະເພາະບ້ານຈ່ານເໜືອ: ປັບປຸງສູນຫັດຖະກຳເຄື່ອງປັ້ນດິນເຜົາ, ກໍ່ສ້າງເສັ້ນທາງປູຫີນພາຍໃນບ້ານ ແລະ ເສັ້ນທາງລົງທ່ານ້ຳຂອງ. ຈຸດປະສົງຂອງໂຄງການດັ່ງກ່າວ ແມ່ນເພື່ອສ້າງສິ່ງອຳນວຍຄວາມສະດວກໃຫ້ແກ່ການທ່ອງທ່ຽວ ເຮັດໃຫ້ນັກທ່ອງທ່ຽວທີ່ມາທ່ຽວ ມີຄວາມສະດວກສະບາຍ.

ໂຄງການດັ່ງການນີ້ແມ່ນເລີ່ມລົງມືມາແຕ່ເດືອນ ພະຈິກ 2018 ມາຮອດປັດຈຸບັນນີ້ແມ່ນສຳເລັດແລ້ວ 90% ຄາດຄະເນຈະໃຫ້ສຳເລັດໃນໄວໆ ນີ້. ໂຄງການ ກໍ່ສ້າງເສັ້ນທາງການທ່ອງທ່ຽວນີ້ໄດ້ຮັບການສະໜັບສະໜູນຈາກ ທະນາຄານພັດທະນາອາຊີ (ADB).


ຂ່າວ: ວັນທອງ ພົງສະຫວັນ

LEAVE A REPLY

Please enter your comment!
Please enter your name here